321/2023

Reglugerð um breytingu á reglugerð um starfsemi slökkviliða nr. 747/2018.

1. gr.

Við reglugerðina bætist ný grein ásamt fyrirsögn, sem verður 22. gr. og breytist röð annarra greina samkvæmt því:

Einkennisfatnaður slökkviliðsmanna.

Slökkviliðsmenn skulu að jafnaði ganga í einkennisfatnaði við störf sín. Húsnæðis- og mann­virkja­stofnun skal gefa út leiðbeiningar um einkennisfatnað slökkviliða að fenginni umsögn Félags slökkviliðsstjóra.

 

2. gr.

Eftirfarandi breytingar verða á viðauka við reglugerðina:

1. Orðin ":1998" í 1. mgr. falla brott.
2. Á eftir 4. mgr. bætast tvær nýjar málsgreinar, svohljóðandi:
   ÍST EN 14710-1 Slökkvidælur - Miðflóttaaflsdælur án sogdælubúnaðar - 1. hluti: Flokkun, almennar kröfur og öryggiskröfur (Fire-fighting pumps - Fire-fighting centri­fugal pumps without primer - Part 1: Classification, general and safety requirements).
   ÍST EN 14710-2 Slökkvidælur - Miðflóttaaflsdælur án sogdælubúnaðar - 2. hluti: Sann­prófun á almennum kröfum og öryggiskröfum (Fire-fighting pumps - Fire-fighting centri­fugal pumps without primer - Part 2: Verification of general and safety require­ments).
3. Orðin ":2007" í 20. mgr. (nú 18. mgr.) falla brott.
4. Fyrirsögn viðaukans verður: Búnaður slökkviliða skal að lágmarki uppfylla ákvæði nýjustu útgáfu eftirtalinna staðla.

 

3. gr.

Lagastoð og gildistaka.

Reglugerð þessi, sem sett er með heimild í 17. og 39. gr. laga nr. 75/2000 um brunavarnir, öðlast þegar gildi.

 

Innviðaráðuneytinu, 13. mars 2023.

 

Sigurður Ingi Jóhannsson.