1032/2004

Reglugerð um daggjöld stofnana sem ekki eru á föstum fjárlögum árið 2005. - Brottfallin

Daggjöldum á stofnunum sem ekki eru á föstum fjárlögum er ætlað að mæta eðlilegum rekstrarkostnaði án viðhalds húsnæðis og skulu vera sem hér segir frá 1. janúar 2005:

A. Hjúkrunarheimili.

Liður	Viðf.	Hjúkrunarheimili	Daggjald kr.
401	113	Grenilundur, Grenivík	13.254
401	113	Hvammur, Húsavík	13.004
401	113	Helgafell, Djúpavogi	12.837
401	113	Blesastaðir, Blesastöðum	12.920
401	113	Sólvellir, Eyrarbakka	12.837
401	113	Silfurtún, Búðardal	12.920
401	113	Sæborg, Skagaströnd	12.837
401	113	Roðasalir, Kópavogi	13.754
405	101	Hrafnista, Reykjavík	13.838
406	101	Hrafnista, Hafnarfirði	13.671
407	101	Grund, Reykjavík	13.588
408	101	Sunnuhlíð, Kópavogi	13.754
409	101	Hjúkrunarheimilið Skjól	13.754
410	101	Hjúkrunarheimilið Eir	13.671
411	101	Garðvangur, Garði	13.921
412	101	Hjúkrunarheimilið Skógarbær	14.005
413	101	Hjúkrunarheimilið Droplaugarstöðum	14.171
414	101	Hjúkrunarheimilið Lundur, Hellu	13.588
415	101	Hjúkrunarheimilið Hulduhlíð, Eskifirði	13.087
416	101	Hjúkrunarheimilið Hornbrekka, Ólafsfirði	13.421
417	101	Hjúkrunarheimilið Naust, Þórshöfn	13.337
418	101	Seljahlíð, Reykjavík	13.504
419	101	Sólvangur, Hafnarfirði	13.838
421	101	Víðines	13.504
423	101	Höfði, Akranesi	13.504
424	101	Dvalarheimili aldraðra Borgarnesi	13.921
425	101	Dvalarheimili aldraðra Stykkishólmi	12.587
426	101	Fellaskjól, Grundarfirði	13.588
427	101	Jaðar, Ólafsvík	13.004
428	101	Fellsendi, Búðardal	12.754
429	101	Barmahlíð, Reykhólum	13.004
433	101	Dalbær, Dalvík	13.171
434	101	Samningur við Akureyrarbæ um öldrunarþjónustu	13.671
436	101	Uppsalir, Fáskrúðsfirði	13.754
437	101	Samningur við Sveitarfélagið Hornafjörð um öldrunarþjónustu	13.754
438	101	Klausturhólar, Kirkjubæjarklaustri	13.171
439	101	Hjallatún, Vík	12.837
440	101	Kumbaravogur, Stokkseyri	13.671
441	101	Ás/Ásbyrgi, Hveragerði	13.337
442	101	Hraunbúðir, Vestmannaeyjum	13.671
443	101	Holtsbúð, Garðabæ	13.087
444	101	Vífilsstaðir, Garðabæ	13.754

Daggjald skal greitt þrátt fyrir að vistmaður hverfi af stofnun í stuttan tíma svo sem til aðstandenda yfir helgi eða hátíðar enda hafi heilbrigðisyfirvöld ekki aukakostnað af dvölinni. Fari vistmaður á sjúkrahús til skammtímainnlagnar skal greiða 70% af daggjaldi stofnunar í allt að 30 daga. Við andlát vistmanns eða þegar vistmaður flytur fyrir fullt og allt af stofnun skal greiða fullt daggjald næstu 7 daga.

Daggjald skal greitt stofnun vegna krónískra nýrnasjúklinga þegar þeir vegna blóðskilunar eru innritaðir á Landspítala-háskólasjúkrahús. Landspítali-háskólasjúkrahús greiðir kostnað vegna lyfjagjafar eins og fyrir aðra blóðskilunarsjúklinga sem skráðir eru inn á sjúkrahúsið.

Greiða skal 845 kr. á dag til viðbótar daggjaldi stofnunar fyrir hvern krónískan nýrnasjúkling sem dvelst á stofnun og þarf blóðskilun á Landspítala-háskólasjúkrahúsi.

Tryggingastofnun ríkisins skal greiða daggjöld samkvæmt A-lið 1. gr.

B. Daggjöld á öðrum stofnunum.

Stofn.	Viðf.	Heiti stofnunar	Daggjald kr.
441	117	Ás/Ásbyrgi, Hveragerði	8.148
470	110	Vesturhlíð, Reykjavík	8.030
472	110	Hlíðabær, Reykjavík	7.696
473	110	Lindargata, Reykjavík	7.696
474	110	MS-félag Íslands, Reykjavík	7.021
475	110	Múlabær, Reykjavík	4.798
476	110	Fríðuhús, Reykjavík	7.696
410	115	Hjúkrunarheimilið Eir	7.696
434	115	Samn. Akureyrarbæjar v/minnissjúkra	7.696
415	115	Hjúkrunarheimilið Hulduhlíð, Eskifirði v/MS	7.021
412	171	Hjúkrunarheimilið Skógarbær, endurhæfingardeild	19.328
477	115	Roðasalir, Kópavogi	7.696
477	115	Dagvistun Reykjanesbæjar v/minnissjúkra	7.696

Tryggingastofnun skal greiða daggjöld samkvæmt B-lið 1. gr.

Daggjöldum á dvalarheimilum fyrir aldraða og fyrir dagvistun aldraðra er ætlað að mæta eðlilegum rekstrarkostnaði án viðhalds húsnæðis og skulu vera sem hér segir frá 1. janúar 2005:
1. Vistgjald á dvalarheimili fyrir aldraða 5.900
2. Gjald á dagvistun fyrir aldraða 3.578

Nauðsynlegur flutningskostnaður vistmanna er innifalinn í dagvistunargjaldi. Þeir sem þjónustu dagvistar njóta skulu greiða 600 kr. á dag, sbr. 19. gr. laga nr. 125/1999 um málefni aldraðra, með síðari breytingum.

Tryggingastofnun ríkisins skal greiða daggjöld samkvæmt þessari grein.

Samkvæmt reglugerð þessari er hvers konar þjónusta, sem vistmönnum er látin í té á stofnunum, innifalin í daggjöldum.

Tryggingastofnun ríkisins skal greiða gjald til að mæta viðhaldskostnaði húsnæðis sem dagvistar-, dvalar- og hjúkrunarheimili nýta við rekstur á dagvistar-, dvalar- og hjúkrunarrýmum. Gjaldið árið 2005 er 2.114 kr. á m2 á ári og reiknast að hámarki á 60 m2 á hvert hjúkrunar- og vistrými að meðtöldu sameiginlegu rými og að hámarki 30 m2 á dagvistarrými að meðtöldu sameiginlegu rými. Gjaldið reiknast aldrei á stærra rými en sem stærð húsnæðisins nemur.

Húsnæðisgjaldi er ætlað að standa undir öllu almennu viðhaldi húsnæðis, en ekki stofnkostnaði, afskriftum og meiriháttar breytingum og endurbótum á húsnæði.

Reglugerð þessi, sem sett er með stoð í 2. mgr. 39. gr. laga nr. 117/1993 um almannatryggingar, með síðari breytingum, öðlast gildi 1. janúar 2005. Jafnframt fellur úr gildi frá sama tíma reglugerð nr. 547/2004 um daggjöld stofnana sem ekki eru á föstum fjárlögum.