Fjármálaráðuneyti

554/1993

Reglugerð um virðisaukaskattsskylda sölu á vörum til manneldis o.fl. - Brottfallin

Felld brott með:

Breytingareglugerðir:

I. KAFLI

Upphafsákvæði.

1. gr.

Sala á matvörum og öðrum vörum til manneldis ber 14% virðisaukaskatt, sbr. 2. gr. þessarar reglugerðar, þó ekki sala á sælgæti og drykkjarvörum o.fl. vörum sem falla undir gjaldflokk D í lögum nr. 97/1987, um vörugjald, með síðari breytingum, né sala á áfengum drykkjum og ógerilsneyddri mjólk.

Þrátt fyrir ákvæði 1. mgr. skal sala veitingahúsa, mötuneyta og annarra hliðstæðra aðila á tilreiddum mat og þjónustu vera með 24,5% virðisaukaskatti, sbr. 3. gr.

Rekstraraðilar, sem falla undir 2. mgr., fá endurgreiðslu úr ríkissjóði skv. III. kafla.

II. KAFLI

Vörur sem bera 14% virðisaukaskatt.

2. gr.

Vörur í eftirfarandi tollskrárnúmerum bera 14% virðisaukaskatt:

 

0201.1000-0210.9009

Kjöt og ætir hlutar af dyrum.

 

0302.1101-0307.9920

Fiskur, krabbadyr, lindyr og aðrir vatna- og sjávar-hryggleysingjar.

 

0402.1000-0410.0000

Mjólkurafurðir, fuglaegg, náttúrulegt hunang og ætar vörur úr dyraríkinu, ót.a.

 

0504.0001-0504.0009

þarmar, blöðrur og magar úr dyrum (þó ekki úr fiski), heilt og í stykkjum.

 

0511.9118 og 0511.9119

Sundmagi, þurrkaður eða saltaður.

 

0511.9901

Dyrablóð.

 

0701.1000-0714.9000

Matjurtir og tilteknar rætur og hnyði.

 

0801.1001-0814.0000

Ætir ávextir, hnetur og hyði af sítrusávöxtum eða melónum.

 

0901.1100-0910.9900

Kaffi, te, maté og krydd.

 

1001.1000-1004.0000

Hveiti, meslín, rúgur, bygg og hafrar.

 

1005.9000-1008.2000

Maís (annar en fræ), rís, dúrra, bókhveiti og hirsi.

 

1008.9000

Annað korn, ót.a.

 

1101.0001-1105.2009

Malaðar vörur (korn, mjöl, bögglar og flögur).

 

1106.1000

Mjöl úr þurrkuðum belgávöxtum.

 

1106.2009

Mjöl úr sagó, rótum eða hnyðum.

 

1106.3000

Mjöl úr ávöxtum og hnetum.

 

1107.1000-1202.2000

Malt, sterkja, inúlín, hveitiglúten, sojabaunir og jarðhnetur.

 

1206.0000-1208.9000

Sólrósarfræ, önnur olíufræ, olíurík aldin og mjöl úr þeim vörum.

 

1211.9001-1211.9002

Plöntur og plöntuhlutar til manneldis (basilíkum, borasurt, mynta, rósmarín, rúturunni, salvía og malurt).

 

1212.1000

Fuglatrésbaunir (jóhannesarbrauð).

 

1212.2009

Sjávargróður og þörungar (söl o.fl.).

 

1302.2001 og 1302.2009

Pektínefni, pektínöt, pektöt, jurtaslím og hleypiefni.

 

1501.0011 og 1501.0021

Svína og alifuglafeiti.

 

1502.0011 og 1502.0021

Fita af dyrum af nautgripaætt, kindum eða geitum.

 

1503.0001

Svínafeitisterín, svínaolía, tólgarsterín, oleóolía og tólgarolía.

 

1504.1001 og 1504.1002

þorskalýsi.

 

1504.1004

Lýsi úr fisklifur, ót.a.

 

1507.1001 og 1507.9001

Sojabaunaolía.

 

1508.1001 og 1508.9001

Jarðhnetuolía.

 

1509.1001 og 1509.9001

Ólívuolía.

 

1510.0001

Aðrar olíur.

 

1511.1001 og 1511.9001

Pálmaolía.

 

1512.1101 og 1512.1901

Olía úr fræi sólblóma eða körfublóma.

 

1512.2101 og 1512.2901

Olía úr fræi baðmullar.

 

1513.1101 og 1513.1901

Kókoshnetuolía.

 

1513.2101 og 1513.2901

Pálmakjarna- eða babassúolía.

 

1514.1001 og 1514.9001

Repju-, kolsa- eða mustarðsolía.

 

1515.2101, 1515.2901,

Maísolía, sesamolía og önnur olía eða feiti ót.a.

 

1515.5001 og 1515.9001

 

 

1516.1001-1516.2002 og

Feiti eða olíur, hertar.

 

1516.2009

 

 

1517.1011-1517.9009

Smjörlíki og blöndur eða framleiðsla til manneldis úr jurtafeiti eða -olíum.

 

1601.0001-1605.9029

Framleiðsla úr kjöti, fiski eða krabbadyrum, lindyrum eða öðrum vatnahryggleysingjum.

 

1701.1100-1702.9009

Sykur (þó ekki skrautsykur).

 

1703.1002 og 1703.1009

Reyrmelassi.

 

1703.9009

Melassi, ót.a.

 

1801.0000-1804.0000

Kakaóvörur, s.s. kakaóbaunir, kakaódeig og kakaósmjör (þó ekki kakaóduft).

 

1806.2002 og 1806.9001

Búðingsduft, búðingar og súpur sem innihalda kakaó.

 

1806.9002

Fæða sem inniheldur kakaó, sérstaklega tilreidd fyrir sjúka.

 

1806.9008

Morgunverðarkorn sem inniheldur kakaó.

 

1901.1000-1904.9000

Framleiðsla úr korni, fínmöluðu mjöli, sterkju eða mjólk.

 

1905.1000

Hrökkbrauð.

 

1905.4000

Tvíbökur, ristað brauð og áþekkar ristaðar vörur.

 

1905.9011 og 1905.9019

Brauð.

 

1905.9020

Ósætt kex.

 

1905.9030

Saltkex og kryddkex.

 

1905.9040

Kökur og konditorstykki.

 

1905.9051 og 1905.9059

Bökur, þ.m.t. pítsur (pizza).

 

1905.9060

Nasl (snack), ót. a.

 

1905.9090

Brauðvörur, ót.a.

 

2001.1000-2008.9909

Framleiðsla úr matjurtum, ávöxtum, hnetum eða öðrum plöntuhlutum.

 

2101.1001-2101.3009

Kjarni, kraftur og seyði úr kaffi, tei eða maté.

 

2102.1001-2102.3009

Ger og bökunarduft.

 

2103.1000-2104.2009

Sósur, súpur og seyði og framleiðsla í það, blönduð bragðefni og bragðbætiefni, jafnblönduð samsett matvæli.

 

2105.0001-2105.0009

Rjómaís og annar ís til manneldis.

 

2106.1000

Próteinseiði og textúruð próteinefni.

 

2106.9023

Blöndur jurta eða jurtahluta til lögunar á seyði.

 

2106.9024

Drykkjarvara, sérstaklega tilreidd fyrir börn og sjúka.

 

2106.9031-2106.9039

Búðingsduft, ót. a.

 

2106.9049

Létt smjörlíki o.fl. að meginstofni úr feiti og vatni.

 

2106.9052

Ávaxtasúpur og -grautar.

 

2106.9059

ýmis matvælaframleiðsla, ót.a.

 

2201.9001-2201.9002

Drykkjarvatn, annað en ölkelduvatn.

 

2202.1002 og 2202.9002

Drykkjarvara, sérstaklega tilreidd fyrir börn og sjúka.

 

2202.9001

Blönduð mjólk (25% eða minna blönduð m.v. rúmmál).

 

2501.0001

Matarsalt í smásöluumbúðum, 5 kg eða minna.

 

2836.1000

Ammóníumkarbónat (hjartarsalt) í smásölu-umbúðum, 1 kg eða minna.

 

2836.3001 og 2836.4001

Karbónöt í smásöluumbúðum, 1 kg eða minna.

 

2836.9901

Pottaska í smásöluumbúðum, 1 kg eða minna.

 

2918.1200-2918.1300

Vínsyra.

 

2922.4201

Glútamínsyra í smásöluumbúðum, 1 kg eða minna.

 

2925.1101

Sakkarín og sölt þess í smásöluumbúðum, 1 kg eða minna.

 

3203.0001

Matarlitur.

 

3302.1001

Blöndur af ilmandi efnum til matvælaiðnaðar.

 

3501.9001

Kaseínöt.

 

3502.1001 og 3502.9001

Albúmín.

 

3503.0011 og 3503.0021

Matarlím (gelatín o.fl.).

 

3823.9027

Blanda úr sakkaríni og kemískum efnum í smá-söluumbúðum, 1 kg eða minna.

III. KAFLI

Aðilar sem selja tilreiddan mat með 24,5% virðisaukaskatti.

3. gr.

Veitingastaðir, mötuneyti og hliðstæðir aðilar sem selja tilreiddan mat skulu innheimta 24,5% virðisaukaskatt af sölu sinni á vörum og þjónustu. Til þessara veitingastaða teljast veitingahús, skemmtistaðir, veitingastofur - þ.m.t. greiðasölur og mötuneyti önnur en skólamötuneyti - , veisluþjónustur (veitingaverslanir) og tækifærisveitingar í einkasölum, félagsheimilum og á útisamkomum. Smásöluverslanir, sem ekki þurfa veitingaleyfi fyrir rekstur sinn skv. lögum nr. 67/1985, um veitinga- og gististarfsemi, teljast ekki til veitingastaða, mötuneyta eða hliðstæðra aðila í skilningi þessa ákvæðis.

Skattstjóri úrskurðar um hvort sölustaðir flokkist undir 1. mgr. Úrskurður hans er kæranlegur til ríkisskattstjóra.

Endurgreiðslur.

4. gr.

Endurgreiða skal rekstraraðilum veitingastaða, sem flokkast undir reglur 3. gr., fjárhæð er nemur 93,75% af innskatti hvers tímabils vegna matvælaaðfanga sem bera 14% virðisaukaskatt.

Endurgreiðslutímabil

5. gr.

Hvert endurgreiðslutímabil samkvæmt reglugerð þessari er tveir mánuðir, þ.e. janúar og febrúar, mars og apríl, maí og júní, júlí og ágúst, september og október, nóvember og desember.

Endurgreiðslubeiðni.

6. gr.

Aðilar, sem eiga rétt á endurgreiðslu samkvæmt 3. mgr. 1. gr., skulu eigi síðar en 15. dag næsta mánaðar eftir lok endurgreiðslutímabils senda viðkomandi skattstjóra greinargerð um kaup á því endurgreiðslutímabili á vörum sem um ræðir í 2. gr.

Greinargerð samkvæmt 1. mgr. skal vera á sérstöku eyðublaði í því formi sem ríkisskattstjóri ákveður.

Afgreiðsla endurgreiðslubeiðni.

7. gr.

Skattstjóri skal rannsaka endurgreiðslubeiðni og leiðrétta hana ef hún er í ósamræmi við reglugerð þessa eða önnur fyrirmæli skattyfirvalda. Skattstjóri skal tilkynna innheimtumanni ríkissjóðs um samþykki sitt til endurgreiðslu. Innheimtumaður annast endurgreiðslu.

Hafi beiðni um endurgreiðslu verið skilað á tilskildum tíma skal endurgreiðsla fara fram á reglulegum gjalddaga virðisaukaskatts vegna þess tímabils sem endurgreiðslan varðar. Frestur þessi framlengist þó ef skattstjóri getur, vegna atvika sem rekja má til umsækjanda, ekki gert nauðsynlegar athuganir á gögnum þeim sem beiðnin byggist á. Endurgreiðslubeiðnir sem berast eftir lok skilafrests skulu afgreiddar með greinargerð næsta tímabils.

Endurgreiðsla má því aðeins fara fram að ákvörðun um virðisaukaskatt liggi fyrir vegna fyrri tímabila. Kröfur um vangreiddan virðisaukaskatt ásamt álagi og dráttarvöxtum skal skuldajafna á móti endurgreiðslu.

Komi í ljós að endurgreiðsla samkvæmt reglugerð þessari hafi verið of há skal skattstjóri þegar í stað tilkynna aðila og innheimtumanni ríkissjóðs þar um. Um álag og dráttarvexti vegna of hárrar endurgreiðslu fer samkvæmt 27. og 28. gr. laga nr. 50/1988, um virðisaukaskatt, með síðari breytingum.

Færslur í bókhald og ársreikning.

8. gr.

Aðilar sem falla undir ákvæði 3. gr. skulu halda sérstakan innkaupareikning fyrir matvælaaðföng sem bera 14% virðisaukaskatt.

Aðili sem fær endurgreiðslu samkvæmt ákvæðum reglugerðar þessarar skal færa hana á sérstakan tekjureikning í bókhaldi sínu. þá skal endurgreiðslan tilgreind annað hvort sérstaklega í ársreikningi sem fylgir skattframtali eða í skýringum með honum.

Að öðru leyti gildir eftir því sem við getur átt, reglugerð nr. 50/1993, um bókhald og tekjuskráningu virðisaukaskattsskyldra aðila.

IV. KAFLI

Viðurlagaákvæði.

9. gr.

Röng skýrslugjöf eða framlagning rangra eða villandi gagna, svo og röng upplýsingagjöf látin í té í því skyni að fá endurgreiðslu á virðisaukaskatti samkvæmt ákvæðum reglugerðar þessarar, varðar við 40. gr. laga nr. 50/1988, um virðisaukaskatt með síðari breytingum.

Gildistaka.

10. gr.

Reglugerð þessi er sett með heimild í 14. gr. og 42. gr. laga nr. 50/1988, um virðisaukaskatt, með síðari breytingum, og öðlast gildi 1. janúar 1994.

Fjármálaráðuneyti, 27. desember 1993.

F.h.r.
Indriði H. Þorláksson

Jón H. Steingrímsson

Þetta vefsvæði byggir á Eplica