Reglugerð um úthlutun á opnum tollkvótum á frjóeggjum. - Brottfallin

Felld brott með:

972/2019 Reglugerð um brottfall reglugerða á sviði matvæla og landbúnaðar.

Reglugerð á PDF formi

1. gr.

Fyrir það tímabil sem tilgreint er í 2. gr. úthlutar sjávarútvegs- og landbúnaðarráðherra tollkvótum skv. viðauka IV A við 12. gr. tollalaga nr. 88/2005, með síðari breytingum, í samræmi við tillögur nefndar skv. 87. gr. búvörulaga nr. 99/1993.

2. gr.

Ákvæði eftirfarandi töflu gilda um tollkvóta, tímabil innflutnings, vörumagn og verð- og magntoll:

	Vara	Tímabil	Vörumagn	Verðtollur	Magntollur
Tollskrárnúmer:			kg	%	kr./kg
	Frjóegg til útungunar:
0407.1100	Af hænsnum af tegundinni Gallus domesticus	01.07.18 - 30.06.19	ótilgr.	0	0
0407.1900	Önnur	01.07.18 - 30.06.19	ótilgr.	0	0

3. gr.

Innflutningur verður því aðeins leyfður að uppfyllt seu ákvæði reglugerðar nr. 448/2012 um varnir gegn því að dýrasjúkdómar og sýktar afurðir berist til landsins.

4. gr.

Brot á reglugerð þessari varða viðurlögum skv. 82. gr. búvörulaga nr. 99/1993. Með mál út af brotum skal farið að hætti laga um meðferð sakamála nr. 88/2008.

5. gr.

Reglugerð þessi er sett samkvæmt heimild í 65. gr. A búvörulaga nr. 99/1993, með síðari breytingum. Reglugerðin öðlast þegar gildi og gildir til 30. júní 2019.

Atvinnuvega- og nýsköpunarráðuneytinu, 28. júní 2018.

Kristján Þór Júlíusson
sjávarútvegs- og landbúnaðarráðherra.

Elísabet Anna Jónsdóttir.