311/2013

Reglugerð um almenna heimild til innflutnings með opnum tollkvótum á nautakjöti. - Brottfallin

1. gr.

Fyrir það tímabil sem tilgreint er í 2. gr. veitir atvinnuvega- og nýsköpunarráðherra almenna heimild til innflutnings á nautakjöti skv. 5. ml. 3. mgr. 65. gr. laga nr. 99/1993, sbr. 12. gr. tollalaga nr. 88/2005 og viðauka III A með síðari breytingum, í samræmi við tillögur nefndar skv. 87. gr. laga nr. 99/1993.

2. gr.

Ákvæði eftirfarandi töflu gilda um tollkvóta, tímabil innflutnings, vörumagn, verð- og magntoll:

	Vara	Tímabil	Vörumagn	Verðtollur	Magntollur
			kg	%	kr./kg
Tollskrárnr.:	Kjöt af dýrum af nautgripakyni, fryst:		95.000
0202.1000	Skrokkar og hálfir skrokkar	08.04.13 - 30.06.13		0	233
0202.20xx	Sneitt á annan hátt með beini.	08.04.13 - 30.06.13		0	519
0202.30xx	Beinlaust	08.04.13 - 30.06.13		0	962
	Kjöt af dýrum af nautgripakyni, saltað, þurrkað eða reykt:
0210.20xx	Beinlaust/annars	08.04.13 - 30.06.13		0	586

3. gr.

Tollkvótum skv. 2. gr. verður stýrt með tímabili innflutnings, þó þannig að ef heildar­innflutningur verður meiri en tilgreint magn segir til um, skulu gilda tollar samkvæmt tollaskrá.

4. gr.

Innflutningur verður því aðeins leyfður að uppfyllt séu ákvæði reglugerðar nr. 448/2012 um varnir gegn því að dýrasjúkdómar og sýktar afurðir berist til landsins.

5. gr.

Brot á reglugerð þessari varða viðurlögum skv. 82. gr. laga nr. 99/1993. Með mál út af brotum skal farið að hætti opinberra mála.

6. gr.

Reglugerð þessi er sett samkvæmt heimild í 65. gr. laga nr. 99/1993 um framleiðslu, verðlagningu og sölu á búvörum, með síðari breytingum. Reglugerðin öðlast þegar gildi og gildir til 30. júní 2013.

Atvinnuvega- og nýsköpunarráðuneytinu, 4. apríl 2013.

Steingrímur J. Sigfússon.

Rebekka Hilmarsdóttir.