Reglugerð um (3.) breytingu á reglugerð nr. 219/1995 um lífræna landbúnaðarframleiðslu. - Brottfallin

Stofnreglugerð:

219/1995 Reglugerð um lífræna landbúnaðarframleiðslu.

946/2000

REGLUGERÐ
um (3.) breytingu á reglugerð nr. 219/1995 um lífræna landbúnaðarframleiðslu.

1. gr.

Við reglugerðina bætast eftirfarandi viðaukar:

VIÐAUKI VI

Heimilt er að nota efni sem talin eru upp í þessum viðauka í lífrænni framleiðslu þó að þau séu ekki framleidd með lífrænni aðferð meðan sambærileg efni sem uppfylla kröfur um lífræna framleiðslu eru ekki fáanleg innan ESB eða löndum utan þess.

1.	Óunnar vörur úr jurtaríkinu sem og afurðir sem hlotið hafa viðurkennda meðferð til að draga úr vatnsinnihaldi þeirra.

1.1.	Ætir ávextir, hnetur og fræ:
	Indíukirsiber (acerola)	Malpighia punicifolia
	Akörn	Quercus spp
	Kasúhnetur	Anacardium occidentale
	Kólahnetur	Cola acuminata
	Geitasmári	Trigonella foenum-graecum
	Stikilsber	Ribes uva-crispa
	Píslaraldin	Passiflora edulis
	Papæjualdin	Carica papaya
	Furuhnetur	Pinus pinea
	Hindber (þurrkuð)	Rubus ideum
	Rifsber (þurrkuð)	Ribes rubrum
1.2.	Ætt krydd og kryddjurtir:
	Allrahanda	Pimenta dioica
	Kardimomma	Fructus cardamomi (minoris) (malabariensis) Elettaria cardamomum
	Kanill	Cinnamomum zeylanicum
	Negull	Syzygium aromaticum
	Engifer	Zingiber officinale
	Piparrótarfræ	Armoracia rusticana
	Litla galanga	Alpinia officinarum
	Brunnperla (vatnakarsi)	Nasturtium officinale
1.3.	Ýmislegt:
	Þörungar, þar með talið þang og þari

2.	Afurðir úr jurtaríkinu, sem unnar eru með öðrum aðferðum en nefndar eru undir lið 1 en eru viðurkenndar við vinnslu matvæla, nema afurðin falli undir aukefni í matvælum.

2.1.	Fituefni og olíur, hreinsaðar eða óhreinsaðar, en sem hefur ekki verið efnafræðilega umbreytt, úr öðrum plöntum en:
	Kakótré	Theobroma cacao
	Kókospálma	Cocos nucifera
	Ólífutré	Olea europaea
	Sólfífli	Helianthus annuus
2.2.	Sykrur; sterkja; aðrar afurðir úr korni og rótar- eða stöngulhnýðum:
	Rófusykur
	Frúktósi
	Hríspappír
	Sterkja úr hrísgrjónum og amýlópektínríkum maís (vaxmaís)

2.3.	Ýmislegt:
	Karrí úr:
	– Kóríandra	Coriandrum sativum
	– Sinnepi	Sinapis alba
	– Fenniku	Foeniculum vulgare
	– Engifer	Zingiber officinale
	Prótín úr ertum	Pisum spp
	Romm: eingöngu bruggað úr sykurreyrssafa

3.	Dýraafurðir:
	Vatnalífverur aðrar en eldislífverur
	Áfaduft
	Gelatín
	Hunang
	Laktósi
	Mysuduft ("herasuola")

VIÐAUKI VII

Lífræn framleiðsla á sveppum.

Við framleiðslu á sveppum má nota rotmassa sem inniheldur eftirfarandi efni:

1.	Húsdýra- og alifuglaáburð, húsdýrahland blandað mykju eða taði sem kemur annað hvort frá bújörðum:
a)	þar sem lífræn framleiðsla er stunduð
b)	eða sambærilegar afurðir frá öðrum búum, en aldrei meira en 25 % af heildarþunga blöndunar fyrir myltun (kompostering), og aðeins meðan framleiðsla skv. a-lið er ekki fáanleg.
2.	Aðrar afurðir úr landbúnaði en taldar eru upp hér að ofan og koma frá býlum þar sem lífræn framleiðsla er stunduð.
a)	mór sem hefur ekki fengið efnameðferð.
b)	trjáviður sem hefur ekki fengið efnameðferð.
c)	steinefni, sem talin eru upp í viðauka I, mold og vatn.

Þessar reglur í viðauka VII gilda til 1. desember 2001.

2. gr.

Reglugerð þessi er sett í samræmi við reglugerð ráðsins (EBE) nr. 2092/91 um lífræna framleiðslu landbúnaðarafurða ásamt síðari breytingum og í samræmi við reglugerðir framkvæmdastjórnarinnar (EB) nr. 1900/98 og nr. 330/99 og einnig með stoð í lögum nr. 162/1994 um lífræna landbúnaðarframleiðslu, ásamt síðari breytingum. Reglugerðin tekur þegar gildi.

Landbúnaðarráðuneytinu, 20. desember 2000.

Guðni Ágústsson.

Ingibjörg Ólöf Vilhjálmsdóttir.

Reglugerð um (3.) breytingu á reglugerð nr. 219/1995 um lífræna landbúnaðarframleiðslu. - Brottfallin

Stofnreglugerð:

Útgáfuár reglugerða