Reglugerð um breytingu á reglugerð nr. 660/1995 um vistunarmat aldraðra. - Brottfallin

REGLUGERÐ

um breytingu á reglugerð nr. 660/1995 um vistunarmat aldraðra.

1. gr.

                2. mgr. 9. gr. orðist svo: Aldraðir, sem eru með mjög brýna eða brýna þörf fyrir vistun samkvæmt vistunarmati og dveljast á öldrunarlækningadeildum í Reykjavík, skulu til jafns við aðra eiga aðgang að vistrýmum, sem ríkissjóður eða Framkvæmdasjóður aldraðra hefur kostað. Faghópur heilbrigðis- og tryggingamálaráðuneytis um framkvæmd vistunarmats skal, að höfðu samráði við Reykjavíkurborg og öldrunarlækningadeildir í Reykjavík, setja reglur um ákveðið hlutfall vistrýma, sem þessir einstaklingar eiga forgang að.

2. gr.

                2. málsl. 15. gr. orðist svo: Hópurinn skal skipaður tveimur öldrunarlæknum, hjúkrunarfræðingi, fulltrúa sveitarfélags, starfsmanni vistunarmats og deildarstjóra öldrunarmáladeildar heilbrigðis- og tryggingamálaráðuneytis, sem jafnframt er formaður.

3. gr.

                Reglugerð þessi, sem er sett samkvæmt heimild í 19. gr., sbr. 30 gr. laga nr. 82/1989 um málefni aldraðra, öðlast þegar gildi.

Heilbrigðis- og tryggingamálaráðuneytinu, 28. janúar 1997.

Ingibjörg Pálmadóttir.

Davíð Á. Gunnarsson.