Reglugerð um matartækna. - Brottfallin

REGLUGERÐ

um matartækna.

1. gr.

_{Rétt til þess að starfa sem matartæknir hér á landi og kalla sig matartækni hefur sá einn, sem til þess hefur fengið löggildingu heilbrigðismálaráðherra.}

2. gr.

_{Löggildingu samkvæmt 1. gr. skal veita þeim, sem lokið hafa prófi á matvælatæknibraut f jölbrautaskóla eða öðru prófi sem heilbrigðisyfirvöld viðurkenna.}

3. gr.

_{Matartækni er skylt að gæta þagmælsku um atriði, sem hann fær vitneskju um í starfi sínu og leynt skuli fara samkv. lögum um eðli máls. Þagnarskylda helst þótt viðkomandi láti af starfi.}

4. gr.

_{Matartæknar skulu annast matreiðslu sérfæðis fyrir sjúka samkvæmt nánari skipun læknis eða annars sérfræðings undir handleiðslu og ábyrgð þeirra.}

5. gr.

_{Óheimilt er að ráða til matartæknistarfa aðra en þá sem heilbrigðismálaráðherra hefur veitt starfsréttindi hér á landi.}

6. gr.

Um matartækna gilda að öðru leyti og eftir því sem við á, reglur læknalaga nr. 80/ 1969.

Reglur læknalaga gilda um viðlög við brotum í starfi, um sviptingu starfsréttinda réttinda og endurveitingu.

7. gr.

Reglugerð þessi, sem sett er samkvæmt heimild í lögum nr. 67/1971, um tæknimenntaðar heilbrigðisstéttir, öðlast gildi þegar við birtingu.

Heilbrigðis- og tryggingamálaráðuneytið, 30. apríl 1981.

Svavar Gestsson.

Páll Sigurðsson.