Reglugerð um breytingu á reglugerð um viðurkenningu notendabúnaðar á grundvelli sameiginlegra tæknilegra reglugerða á Evrópska efnahagssvæðinu nr. 589/1994 með síðari breytingum. - Brottfallin
Stofnreglugerð:
Felld brott með:
1. gr.
Á eftir 5. tölulið í X. viðauka komi nýir töluliðir 6-8 sem orðist svo:
6) CTR 4 - BM: ISDN-stofntenging (ákvörðun framkvæmdastjórnar ESB, nr. 94/796/ EBE) um notendabúnað, sem á að tengja með stofntengingu við almenna ISDN samnetið við T-viðmiðunartengipunkt eða samliggjandi S- og T-viðmiðunartengipunkt.
Samhæfði staðallinn er:
NET 5 (ISDN-stofntenging); Stjtíð. EB nr. C 53, 24.2.1993, bls. 6.
Hér er um bráðabirgðaráðstöfun að ræða, sem skal endurskoða fyrir árslok 1996.
7) CTR 3 - BM: ISDN-grunntenging (ákvörðun framkvæmdastjórnar ESB, nr. 94/797/ EBE) um notendabúnað, sem á að tengja með grunntengingu við almenna ISDN samnetið við T-viðmiðunartengipunkt eða samliggjandi S- og T-viðmiðunartengipunkt.
Samhæfði staðallinn er:
NET 3 (ISDN-grunntenging); Stjtíð. EB nr. C 53, 24.2.1993, bls. 6.
Hér er um bráðabirgðaráðstöfun að ræða, sem skal endurskoða fyrir árslok 1996.
8) CTR 14: ONP 64 kb/s óskipulagt (ákvörðun framkvæmdastjórnar ESB, nr. 94/821/ EBE) um notendabúnað sem á að tengja við nettengipunktinn fyrir stafrænar óskipulegar leigulínur með 64 kb/s flutningsgetu í almenna fjarskiptanetinu.
Samhæfði staðallinn er:
Tæknilegar kröfur í tengslum við frjálsan aðgang að netum (ONP)
Stafrænar óskipulegar leigulínur með 64 kb/s flutningsgetu (D64U)
Tengikröfur sem eru gerðar til skilflata fyrir endabúnað:
TBR 14 - janúar 1994 (að formála undanskildum).
2. gr.
Reglugerð þessi, sem sett er samkvæmt lögum um fjarskipti nr. 73/1984 sbr. 1. nr. 32/1993 og með hliðsjón af ofangreindum ákvörðunum framkvæmdastjórnar ESB, staðfestist hér með til að öðlast þegar gildi.
Samgönguráðuneytinu, 31. janúar 1996.
Halldór Blöndal.
Halldór S. Kristjánsson.