Reglugerð um breyting á reglugerð nr. 278/1977 um Tækniskóla Íslands. - Brottfallin

1. gr.

6. gr. 4. málsgr., orðist svo:

Sérgreinadeildir eru byggingadeild, rafmagnsdeild, véladeild, rekstrardeild og heil­brigðisdeild. Í heilbrigðisdeild eru tvær námsbrautir (sbr. 7. gr.), önnur í meinatækni en hin í röntgentækni.

2. gr.

8. gr., 5. málsgr., orðist svo:

Um bókleg og verkleg inngönguskilyrði í aðrar námsbrautir fer eftir námsskrá eða öðrum sérstökum reglum sem menntamálaráðuneytið staðfestir að fengnum tillögum skólanefndar eða námsbrautarnefndar, sbr. 24. gr.

3. gr.

Við 13. gr. bætist ný málsgrein, svohljóðandi:

Námsvísi skal leggja fyrir menntamálaráðuneytið til staðfestingar að lokinni umfjöllun skólanefndar eða námsbrautarnefndar, sbr. 24. gr.

4. gr.

Við 24. gr. bætist ný málsgrein, svohljóðandi:

Við hvora námsbraut heilbrigðisdeildar starfar námsbrautarnefnd, sem menntamálaráðuneytið skipar til fjögurra ára í senn, og er hún rektor og deildarstjóra til ráðuneytis um málefni er varða viðkomandi námsbraut. Í námsbrautarnefnd meinatækna­brautar skal auk rektors og deildarstjóra eiga sæti einn fulltrúi tilnefndur of hverri eftirtalinna stofnana: Borgarspítalanum í Reykjavik, Landspítalanum og Rannsóknastofu Háskólans, svo og fulltrúi tilnefndur of Meinatæknifélagi Íslands. Í námsbrautarnefnd röntgentæknabrautar skal auk rektors og deildarstjóra eiga sæti einn fulltrúi tilnefndur of Borgarspítalanum í Reykjavik og annar tilnefndur of Landspítalanum, svo og fulltrúi tilnefndur of Röntgentæknafélagi Íslands. Rektor stýrir fundum námsbrautarnefnda.

5. gr.

Reglugerð þessi er sett samkvæmt heimild í lögum nr. 66/1977, um Tækniskóla Íslands og öðlast þegar gildi.

Menntamálaráðuneytið, 28. apríl 1986.

Sverrir Hermannsson.

Árni Gunnarsson.