Reglugerð um (1.) breytingu á reglugerð nr. 1444/2022 um togveiðar á kolmunna árið 2023.

1. gr.

Á eftir 2. mgr. 6. gr. reglugerðarinnar bætast við tvær nýjar málsgreinar, svohljóðandi:

Skipstjóri skal hafa samband við stjórnstöð Landhelgisgæslu Íslands, sem sinnir verkefnum Eftirlitsstöðvarinnar, til staðfestingar á að honum sé heimilt að hefja veiðar.

Eftirlitsstöðin hefur eftirlit með að fjöldi íslenskra skipa við veiðar innan færeyskrar lögsögu fari ekki umfram þann leyfilega fjölda sem landstjórn Færeyja ákveður á hverjum tíma og að ekki séu fleiri en 15 íslensk skip samtímis á veiðum.

2. gr.

Reglugerð þessi er sett samkvæmt ákvæðum 3. gr. og 8. gr. laga nr. 116/2006, um stjórn fiskveiða, 8. gr. og 9. gr. laga nr. 79/1997, um veiðar í fiskveiðilandhelgi Íslands, 2. gr. og 9. gr. laga nr. 57/1996, um umgengni um nytjastofna sjávar og laga nr. 151/1996, um fiskveiðar utan lögsögu Íslands. Reglugerðin öðlast þegar gildi.

Matvælaráðuneytinu, 6. febrúar 2023.

Svandís Svavarsdóttir.

Áslaug Eir Hólmgeirsdóttir.