418/2006

Reglugerð um úthlutun á tollkvótum vegna innflutnings á nautgripa-, svína-, alifugla- og hreindýrakjöti. - Brottfallin

1. gr.

Fyrir það tímabil sem tilgreint er í 2. gr. úthlutar landbúnaðarráðherra tollkvótum skv. viðaukum III A og VI A við tollalög nr. 55/1987 með síðari breytingum í samræmi við tillögur nefndar skv. 87. gr. laga nr. 99/1993.

2. gr.

Ákvæði eftirfarandi töflu gilda um tollkvóta, tímabil innflutnings, vörumagn, verð- og magntoll:

	Vara	Tímabil	Vörumagn	Verðtollur	Magntollur
			kg	%	kr./kg
Tollnúmer:	Nautgripkjöt - vöruliðir 0202 og 0210:		95.000
0202.3xxx	Kjöt af dýrum af nautgripakyni, fryst -	01.07.06 - 30.06.07		0	535
	Kjöt af dýrum af nautgripakyni, saltað,
	þurrkað eða reykt:
0210.2001	Beinlaust	01.07.06 - 30.06.07		0	326
	Kjöt af dýrum af nautgripakyni, fryst -
0202.3001	Hakkað	01.07.06 - 31.12.06	ótilgreint	0	306
Tollnúmer:	Svínakjöt - vöruliðir 0203 og 0210:		64.000
0203.29xx	Svínakjöt, fryst:	01.07.06 - 30.06.07		0	433
Úr tollnr.:	Svínakjöt, saltað, þurrkað eða reykt:
0210.1200	Slög og sneiðar af þeim, beinlaust	01.07.06 - 30.06.07		0	310
Tollnúmer:
0210.1901	Reykt - beinlaust	01.07.06 - 30.06.07		0	352
Úr tollnr.:
0210.1909	Annars - beinlaust	01.07.06 - 30.06.07		0	352
	Kjöt af alifuglum - vöruliður 0207:		59.000
Úr tollnr.:	Af hænsnum af tegundinni Gallus domisticus:
0207.1xxx	Af hænsnum, fryst	01.07.06 - 30.06.07		0	159
Úr tollnr.:	Af kalkúnum:
0207.2xxx	Af kalkúnum, fryst	01.07.06 - 30.06.07		0	219
Úr tollnr.:	Af öndum, gæsum eða perluhænsnum:
0207.3xxx	Af öndum, gæsum eða perluhænsnum, fryst	01.07.06 - 30.06.07		0	219
	Annað kjöt, fryst - vöruliður 0208:
Tollnúmer:	Hreindýrakjöt
0208.9007	Beinlaust hreindýrakjöt, fryst	01.07.06 - 30.06.07	ótilgreint	0	504
0208.9008	Hreindýrakjöt með beini, fryst	01.07.06 - 30.06.07	ótilgreint	0	504
Úr tollnr.:
0208.9008	Hreindýrakjöt í heilum og hálfum skrokkum	01.07.06 - 30.06.07	ótilgreint	0	0
Tollnúmer:	Annað kjöt og ætir hlutar af dýrum, fryst		6.000
0208.9001	Dúfur	01.07.06 - 30.06.07		0	254
0208.9002	Fasanar	01.07.06 - 30.06.07		0	254
0208.9004	Dádýr	01.07.06 - 30.06.07		0	254
Úr tollnr.:
0208.9009	Annars - Lynghænur og strútar, fryst	01.07.06 - 30.06.07		0	254

Við innflutning á vörum sem falla undir þau tollskrárnúmer þar sem vörumagn er ótilgreint skal gilda sá verð- og/eða magntollur sem tilgreindur er í 1. mgr. yfir tilgreint tímabil.

Tímabil þau sem tilgreind eru miðast við tollafgreiðslu en ekki við komu flutningsfars til landsins og skal tollafgreiðslu lokið innan tímabils. Hafi vara hlotið bráðabirgðatollafgreiðslu skal þó miða við dagsetningu hennar.

3. gr.

Tollkvótum er úthlutað samkvæmt auglýsingu landbúnaðarráðuneytisins þar sem tilgreindir eru skilmálar vegna úthlutunarinnar. Heimilt er að úthluta tollkvótum í einu lagi eða skipta úthlutun niður á gildistíma reglugerðarinnar. Úthlutun er ekki framseljanleg.

Innflutningur verður því aðeins leyfður að uppfyllt séu ákvæði 10. gr. laga nr. 25/1993 um dýrasjúkdóma og varnir gegn þeim, ásamt reglugerð nr. 509/2004, um varnir gegn því að dýrasjúkdómar og sýktar afurðir berist til landsins.

4. gr.

Berist umsóknir um meira magn innflutnings en auglýstum tollkvóta nemur hverju sinni, skal leita tilboða í tollkvóta vörunnar. Tilboð skulu ráða úthlutun.

5. gr.

Heimilt er að endurúthluta tollkvótum hafi handhafi þeirra ekki sótt heimildabréf fyrir 31. ágúst 2006 eða lagt fram fullnægjandi tryggingu fyrir greiðslu tollkvótans, hafi tilboð ráðið úthlutun. Handhafi tollkvóta á þá ekki endurkröfurétt á ríkissjóð.

6. gr.

Brot á reglugerð þessari varða viðurlögum skv. 82. gr. laga nr. 99/1993. Með mál út af brotum skal farið að hætti opinberra mála.

7. gr.

Reglugerð þessi er sett samkvæmt heimild í 65. gr., 65. gr. A og 87. gr. laga nr. 99/1993 um framleiðslu, verðlagningu og sölu á búvörum, með síðari breytingum. Reglugerðin öðlast þegar gildi og gildir til 1. júlí 2007.

Landbúnaðarráðuneytinu, 12. maí 2006.

F. h. r.

Ólafur Friðriksson.

Arnór Snæbjörnsson.