Reglugerð um breytingu á reglugerð nr. 1263/2008 um flutningaflug flugvéla - Brottfallin
1. gr.
Við bætist ný grein, 4. gr. a, sem orðast svo með fyrirsögn:
Flugumsjón.
Flugrekendur, sem eru með sérstaka flugumsjón sem felst í undirbúningi og eftirfylgni á tilteknum þáttum flugs, skulu gera grein fyrir verksviði og ábyrgð starfsfólks sem sinnir flugumsjón í flugrekstrarhandbók.
Starfsfólk í flugumsjón skal fá þjálfun í samræmi við ICAO skjal nr. 7192 D3. Þjálfuninni skal lýst í D-hluta flugrekstrarhandbókar. Ekki er gerð krafa um að starfsfólk sem sinnir flugumsjón sé með skírteini flugumsjónarmanns.
2. gr.
2. mgr. 5. gr. fellur á brott.
3. gr.
Gildistaka.
Reglugerð þessi, sem sett er með heimild í 31. gr., 4. mgr. 37. gr., 80. gr., 85. gr. a, sbr. 145. gr. laga nr. 60/1998 um loftferðir, öðlast þegar gildi.
Innanríkisráðuneytinu, 12. júní 2013.
Hanna Birna Kristjánsdóttir.
Ragnhildur Hjaltadóttir.