Reglugerð um álagningu gatnagerðargjalds við byggðar götur í Vopnafjarðarkauptúni. - Brottfallin

Húseigendur í Vopnafjarðarkauptúni, skulu greiða til sveitarsjóðs Vopnafjarðar­hrepps, gatnagerðargjald, sem hér segir:

1. Íbúðir í einbýlishúsum, að 500 m³ ....................................................... kr. 100 000.00

2. Íbúðir í tvíbýlishúsum og sambyggðum
einbýlishúsum á einni hæð, að 400 m³ .................................................... kr 60.000.00

3. Íbúðir í tvíbýlishúsum á tveim hæðum, að 400m³, hvor íbúð ................. kr 50 000.00

4. Íbúðir í fjölbýlishúsum, að 400 m³ hver íbúð ........................................ kr 30.000.00

5. Verslunar- og skrifstofuhúsnæði kr. 150 pr. m³, þó aldrei lægra en ........ kr. 100.000.00 hvert einstakt hús.

6. Iðnaðarhúsnæði, vörugeymslur og annað atvinnuhúsnæði, .................... kr. 1000.00 pr. m³.

Af hverjum rúmmetra umfram tiltekna hámarksstærð íbúðarhúsnæðis, greiðist kr. 200.00. Auk þess gjalds greiði lóðarhafar í gatnagerðargjöld kr. 40.00 af hverjum fermetra lóðar.

2. gr.

Upphæð gatnagerðargjalds, skv. 1, grein miðast við vísitölu byggingarkostnaðar 1. nóvember næstan eftir að lagning bundins slitlags á hlutaðeigandi götu fer fram. Gatnagerðargjöld við þær götur, sem þegar hefur verið lagt slitlag á, miðast þó við vísitöluna 1. nóvember, 1974 og skulu breytingar á gatnagerðargjöldum miðaðar við það.

3. gr.

Gatnagerðargjald skv. 1. grein, skal greitt og falla í gjalddaga sem hér segir:

Fyrsta greiðsla, sem nemur 20%, gjaldsins, greiðist 15. júlí næstan eftir að varanlegt slitlag hefur verið lagt á hlutaðeigandi götu. Eftirstöðvarnar skulu greiddar á næstu fjórum árum á eftir, 20% í hvert sinn, og sé gjalddagi hinn sami. Loka­greiðslu þarf þó eigi að inna af hendi, fyrr en gangstétt er fullfrágengin.

Hvað varðar þær götur, sem þegar hafa verið lagðar slitlagi, skal fyrsti gjald­dagi vera 15. júlí næstan eftir staðfestingu þessarar reglugerðar, en að öðru leyti gildi sömu reglur um gjalddaga.

4. gr.

Gatnagerðargjöld má taka lögtaki í viðkomandi fasteign og er það tryggt lög­veði í fasteigninni í næstu 2 ár frá gjalddaga, með forgangsveði fyrir hvers konar samningsveði og aðfararveði, án tillits til eigendaskipta.

Reglugerð þessi sem samin er og samþykkt of hreppsnefnd Vopnafjarðar­hrepps, staðfestist hér með, skv. 3. grein laga nr. 51/1974 og öðlast gildi þegar í stað, og birtist til eftirbreytni öllum þeim, er hlut eiga að máli.

Félagsmálaráðuneytið, 12. júní 1975.

F. h. r.

Hallgrímur Dalberg.