Reglugerð um (2.) breytingu á reglugerð nr. 265/2013 um friðun veiðisvæða fyrir Suðurlandi. - Brottfallin
Stofnreglugerð:
Felld brott með:
1. gr.
F-liður 2. gr. reglugerðarinnar fellur brott og í stað hans kemur nýr F-liður sem orðast svo:
Frá og með 1. september til og með 31. maí á svæði sem afmarkast af línu sem dregin er milli eftirgreindra punkta:
- 63°47,60´N - 021°23,00´V
- 63°49,60´N - 021°23,00´V
- 63°49,60´N - 021°25,00´V
- 63°50,30´N - 021°26,10´V
- 63°50,50´N - 021°27,20´V
- 63°49,00´N - 021°33,60´V
- 63°47,51´N - 021°33,00´V
- 63°47,00´N - 021°34,60´V
- 63°46,60´N - 021°35,10´V
2. gr.
3. gr. reglugerðarinnar fellur brott og í stað hennar kemur ný 3. gr. sem orðast svo:
Allar veiðar með togvörpu og dragnót eru bannaðar umhverfis Vestmannaeyjar innan línu sem dregin er í þriggja sjómílna fjarlægð frá fjörumarki eftirgreindra eyja og skerja: Elliðaeyjar, Bjarnareyjar, Heimaeyjar, Suðureyjar, Helliseyjar, Súlnaskers, Geirfuglaskers, Geldungs, Álseyjar, Grasleysu, Þrídranga og Einidrangs. Að norðan markast svæðið af línu sem dregin er í þriggja sjómílna fjarlægð frá fjörumarki meginlandsins, sbr. reglugerð nr. 732/1997.
Þrátt fyrir ákvæði 1. mgr. eru veiðar með dragnót og fótreipisvörpu heimilaðar á eftirgreindu svæði og tíma:
-
Frá og með 21. febrúar til og með 15. maí á svæði vestan línu, sem dregin er í réttvísandi norður frá Heimaey, þannig að austurkant Ystakletts og Faxaskersvita beri saman og norðan og vestan línu, sem dregin er frá Heimaey um Grasleysu í Þrídranga, þaðan í Einidrang og síðan í réttvísandi suður.
Þrátt fyrir ákvæði 1. mgr. eru veiðar með dragnót heimilaðar á eftirgreindu svæði og tíma: -
Frá og með 16. maí til og með 31. júlí á svæði, sem markast af línu sem dregin er milli eftirgreindra punkta:
- 63°22´N - 20°24´V
- 63°22´N - 20°30´V
- 63°26´N - 20°28´V
- 63°26´N - 20°22´V
3. gr.
Reglugerð þessi er sett samkvæmt ákvæðum laga nr. 79, 26. maí 1997, um veiðar í fiskveiðilandhelgi Íslands til þess að öðlast þegar gildi og birtist til eftirbreytni öllum þeim, sem hlut eiga að máli. Jafnframt fellur úr gildi reglugerð nr. 148/1998 um friðun veiðisvæða fyrir Suðurlandi.
Atvinnuvega- og nýsköpunarráðuneytinu, 30. apríl 2013.
F. h. r.
Hrefna Karlsdóttir.
Arnór Snæbjörnsson.