Reglugerð um Hitaveitu Ytri - Torfustaðahrepps - Brottfallin

REGLUGERÐ

fyrir Hitaveitu Ytri Torfustaðahrepps.

1. gr.

Gildissvið og eignaraðild.

Reglugerð þessi gildir um veitusvæði hitaveitunnar sem er Laugarbakki og nágrenni. Reglugerðin getur einnig gilt á öðrum svæðum í hreppnum eftir því sem hreppsnefnd Ytri Torfustaðahrepps ákveður og ráðherra samþykkir samkvæmt orkulögum.

Hitaveita Ytri Torfustaðahrepps er eign Ytri Torfustaðahrepps og skal rekin sem sjálfstætt fyrirtæki.

2. gr.

Stjórn hitaveitu.

Hreppsnefnd fer með stjórn hitaveitunnar. Einnig getur hreppsnefnd skipað hita­veitunni sérstaka stjórn.

Hitaveitan er sjálfstæður réttaraðili og hefur sjálfstæðan fjárhag og reikningshald. Heimili hitaveitunnar er að Laugarbakka í Miðfirði.

Hreppsnefnd eða sá aðili, sem hreppsnefnd kann að fela starfið, annast bókhald og fjárreiður hitaveitunnar og sér um innheimtu hitaveitugjalda.

3. gr.

Verkefni hitaveitu.

Það er verkefni hitaveitunnar að kaupa vatn frá loftskilju of Hitaveitufélagi Miðfirðinga sf. og dreifa því til notenda gegn gjaldi sem ákveðið skal í gjaldskrá.

4. gr.

Einkaleyfi hitaveitu.

Hitaveita Ytri Torfustaðahrepps hefur einkaleyfi á dreifingu og sölu hefts vatns á svæði því, sem hún nær yfir, sbr. 1. gr.

5. gr.

Veitukerfið.

Ytri Torfustaðahreppur afhendir Hitaveitu Ytri Torfustaðahrepps allt hitaveitukerfi á svæði veitunnar sbr. 1. gr. , sem hefur verið í eigu hreppsins. 6. gr.

Notkun orkunnar.

Sú hitaorka sem hitaveitan lætur í té, er ætluð til upphitunar húsa og almennra heimilisnota og til sundlaugar. Nú kemur fram ósk um að nota heita vatnið til annarra þarfa en að framan greinir og þarf þá til þess heimild hreppsnefndar.

7. gr.

Afrennslisvatn frá húskerfum.

Húseigendum er heimilt að nota aftur vatn sem runnið hefur gegnum hitunarkerfi húss til upphitunar á gróðurhúsum, útihúsum o. s. frv. en skulu skila afrennslisvatninu aftur ef hitaveitan þarf á því að halda. Skal húsráðandi annast og kosta að leiða afrennslisvatnið í frárennsli hússins.

8. gr.

Tenging.

Hver sá, er húseign á við götu eða veg, þar sem dreifiæðar hitaveitunnar liggja, hefur rétt á að láta tengja hitakerfi hússins við hitaveituæðina.

Nú eru sérstakir erfiðleikar á tengingu húss, eða tenging þykir of einhverjum ástæðum ekki ráðleg, og getur þá hreppsnefnd ákveðið, að húsið sé ekki tengt við dreifikerfið.

9. gr.

Varmaafl.

Hitaveitunefnd ákveður hámark varmaafls til notenda. Henni er heimilt að minnka það eða loka fyrir um stundarsakir, telji hún það nauðsynlegt vegna viðgerða, tenginga eða of öðrum ástæðum.

10. gr.

Ábyrgð hitaveitu.

Hitaveitan ber ekki fjárhagslega ábyrgð á tjóni, er leiða kann of rekstrartruflunum er verða vegna frosta, rafmagnsbilana, náttúruhamfara eða annarra óviðráðanlegra atvika. Sama gildir, ef rennsli um æð er stöðvað um stundarsakir vegna viðgerðar og annars slíks. Hitaveitan er ekki heldur bótaskyld vegna tjóns á mönnum eða eignum frá hitalögnum innan húss.

11. gr.

Umsóknir.

Áður en hafist er handa um lagningu nýrra kerfa, eða breytinga á eldri kerfum, skal húseigandi með minnst 7 daga fyrirvara senda hreppsnefnd umsókn um aðild að hita­veitunni.

Umsókn eiga að fylgja uppdrættir of hitalögnum hússins. 12. gr.

Eftirlit og viðhaldsskylda.

Eftirlitsmaður á vegum hreppsnefndar annast eftirlit með því, að hitalagnir séu í samræmi við samþykktan uppdrátt og reglugerð.

Hitaveitan hefur viðhaldsskyldu á dreifikerfi sínu. Notanda er óheimilt að torvelda á nokkurn hátt aðgang til eftirlits og víðhalds á dreifikerfi og hitalögnum og má m. a. ekki hylja lagnir innan húss.

13. gr.

Dælur á heimaeðum.

Óheimilt er að tengja dælur við heimæðar nema gegn skriflegu leyfi hreppsnefndar.

14. gr.

Viðurlög.

Brot á reglugerð þessari varðar sektum, nema þyngri refsing liggi við samkvæmt lögum. Reglugerð þessi, sem samin er og samþykkt of hreppsnefnd Ytri Torfustaðahrepps staðfestist hér með samkvæmt orkulögum nr. 58, 29. apríl 1967 til þess að taka gildi þegar í stað, og birtist til eftirbreytni öllum þeim, sem hlut eiga að máli.

Iðnaðarráðuneytið, 29. September 1986.

Albert Guðmundsson.

Páll Flygering.