Reglugerð um breytingu á reglugerð um holræsagjöld í Kópavogi nr. 347/1974, sbr. reglugerð nr. 70/1977. - Brottfallin

Reglugerð

 um breytingu á reglugerð um holræsagjöld í Kópavogi

nr. 347/1974, sbr. reglugerð nr. 70/1977.

1. gr.

1. gr. reglugerðarinnar orðast svo:

Hverjum þeim sem á hús eða húshluta í Kópavogi, á lóð eða leigir lóð í bænum við götu eða opið svæði sem holræsi hefur verið lagt í, eða hefir tengt hús sitt holræsakerfi bæjarins, ber að greiða árlegt holræsagjald til bæjarsjóðs Kópavogs.

Upphæð holræsagjaldsins skal vera 0,13% af álagningarstofni húsa og lóða eins og það er á hverjum tíma notað sem álagningarstofn fasteignaskatts. Upphæð holræsagjaldsins skal þó aldrei vera lægri en svarar kr. 13,50 á hvern rúmmetra í íbúðarhúsnæði og kr. 9,50 á hvern rúmmetra af öðru húsnæði. Á sama hátt skal upphæð holræsagjaldsins aldrei vera hærri en svarar kr. 17,00 á hvern rúmmetra af hvaða húsnæði sem er. Sé ekkert mannvirki á lóð greiðist ekki holræsagjald.

Lágmarksupphæð holræsagjalds fyrir hverja gjaldskylda fasteign skal aldrei vera lægri en kr. 1.850,00.

Reglugerð þessi, sem samin er og samþykkt af bæjarstjórn Kópavogskaupstaðar, staðfestist hér með samkvæmt vatnalögum nr. 15/1923 til þess að öðlast þegar gildi.

Félagsmálaráðuneytið, 28. apríl 1995.

F. h. r.
Berglind Ásgeirsdóttir.

Sesselja Árnadóttir.