1217/2024

Reglugerð um breytingu á reglugerð um skrár lögreglu og vinnslu persónuupplýsinga í löggæslutilgangi, nr. 577/2020.

1. gr.

Við 3. gr. reglugerðarinnar bætist nýr töluliður, 4. tölul., svohljóðandi:

4. Lögreglu er heimilt að miðla persónuupplýsingum til embættis landlæknis að því marki sem nauðsynlegt er til að embættið geti sinnt rannsókn alvarlegra atvika í heilbrigðisþjónustu í sam­ræmi við 10. gr. og 10. gr. a. - c. laga nr. 41/2007, um landlækni og lýðheilsu.

 

2. gr.

Reglugerð þessi er sett samkvæmt heimild í 34. gr. laga nr. 75/2019 um vinnslu persónu­upplýs­inga í löggæslutilgangi. Reglugerðin öðlast þegar gildi.

 

Dómsmálaráðuneytinu, 14. október 2024.

 

Guðrún Hafsteinsdóttir.